新光燒鵝餐室 (已結業)

今日路經此店，見到店名叫燒鵝餐室咁特式，見對面有間食開的X興燒味，一於試下新光比較下。時間大約下午6點半，可能星期一兼尚早不太多人。叫左叉鵝飯一碟，例湯及凍奶茶。食品好快來齊。嘩！好大碟！叉燒及燒鵝份量十足。叉燒半肥有咬口好味。跟住試燒鵝，一試之下果然好掂👍，肉質正口感不錯，兼且有種燻香味，十分好味，果然是燒鵝做主打的餐廳。例湯是花生雞腳豬骨湯，夠味兼味精不多，十蚊一碗都算抵。試埋個凍奶茶都有茶味，都算唔錯。餐廳很新浄，環境不錯，只是座位有點迫，服務態度👌。好快會再幫襯。