不串不散 (已結業)

好耐無嚟銅鑼灣，今日難得同朋友嚟到，當然要同朋友一齊搵D好嘢食下。最後揀咗位於京都廣場嘅《不串不散》食串燒。呢度串燒任食，我哋都叫咗好多嘢食下。燒雞翼 - 燒得外皮香脆，入面仍然保持到肉汁，味道辣辣哋，相當香口。燒茄子 - 幾爽口，而且入口幾爽，燒汁個味道調校得好好，鍾意食茄子嘅人必試！可惜唔記得影相......燒芝心丸 - 入口彈牙，味道唔錯，而且份量多。燒肉串 - 燒得香口又唔乾身，正!卜卜蜆 - 相當鮮甜，連個湯汁都充滿蜆味。呢度仲有燒海鮮，不過我哋食完串燒已經好飽，唯有下次再嚟食過！