新竹園軒

營業中

休息中

朋友之前係呢度食過母親節飯，話唔錯又抵食，原來佢地係老字號「竹園酒家」既班底黎，唔怪之得有返一定既水準，趁父親節就嚟到，即刻同屋企人嚟食先！ 🟡生拆蟹肉翅 好足料，蟹肉＋翅，本身已經好吸引，再經過廚師精心烹調，十分入味😍😍😍 ⚪️芝士龍蝦(伊麵底) 係佢地既招牌菜，即叫即整，夠晒新鮮，澳洲龍蝦啖啖肉，仲有爽口彈牙，配埋芝士真係無得輸。 🟢清蒸海斑 好鍾意食新鮮既海魚，魚肉肉質鮮嫩，加埋豉油提鮮真係可以送好多碗飯，好味道。 🔵8頭禾麻鮑魚拼遼參 聽聞呢味菜蛋白質好豐富，仲有滋陰養顏既功用，鮑魚炆到好彈牙，果然係溏心鮑魚好正😍😍😍 🟣帶子西蘭花呢款家常菜都唔少得，大大粒原隻帶子，加埋營養豐富既西蘭花，食到停唔到口。🔴瑤柱蛋白炒飯人大左鍾意食呢啲清清地既炒飯，夠鑊氣。🟤 甜品食完咁多中菜，梗係唔少得用返一碗中式糖水作結，紅豆沙入口軟腍，清清甜甜，好滿足。