閨•家 (西九龍中心) (已結業)

一家人食飯最緊要就係有家的感覺，但有時又冇時間去預備食材或者煮，出去茶記食又會驚太油，所以就要搜羅下有住家感覺嘅餐廳，打個「家」字即刻已經有好多個選擇，當中有一間覺得個名改得幾好，閨家有歸家意義，睇餐牌所展示嘅小菜亦都係家常會出現嘅餸，最適合一家人食返餐飯梅子金沙骨： 金沙骨除咗我哋成日都食到嘅椒鹽之外其實炆都好食，梅子醬一啲都唔酸反而係異常甜，用嚟撈飯絕對一流，至於金沙骨骨肉輕易分離，代表着炆咗已經一段時間，夠晒入味。棒棒糖鴨肉： 棒棒糖就唔係真係糖，只係將鴨肉切到一時醫師方便食，而且味道亦同滷水或者燒鴨亦都係唔同，感覺似豬軟骨，但每一啖都有好似蜜餞嘅感覺，係有一啲啲甜但又唔係落咗糖，係有D神來之筆。而家食飯仲會附送老火湯，確保至少4小時炮製，另外完全冇添加調味料，淨係呢碗湯相信已經令人刻骨銘心，一餐飯原來都可以又簡單又滋味