泰.夯蝦 (堅拿道西) (已結業)

疫情關係已經差唔多成年冇去過旅行喇！不過而家喺香港好多地方都可以搵到外地既好野食～今次我就去咗體驗泰國流行咗好耐嘅流水蝦放題....每人$298，就可以任食兩個鐘。一行入餐廳就見到好長既流水蝦缸....每張枱都有抽氣，唔怕食到成身都係燒烤味～大蝦全部都好生猛新鮮～蝦夾上嚟之後，要先放入冰桶凍暈，再放上爐燒。除咗大頭蝦之外，仲有蠔、青口、蜆、扇貝、螺等等嘅海鮮....蠔唔算好大隻，不過勝在夠鮮，蜆肉質飽滿鮮甜。丸類、菇類、雞翼、多春魚、豬頸肉、菠蘿、炸物等等！飲品亦都有好多選擇。眼見隔離枱主攻海鮮，而我地就海鮮同其他食物一半一半咁燒～無咁膩呀嘛！蝦肉爽口彈牙，蝦頭仲好多膏～點埋泰式醬汁食，超新鮮。每張枱都會送宮崎縣A5和牛一客，滿口油脂甘香，超滿足！雪糕係香港製造嘅coco berry雪糕波....之前睇電視譚玉瑛姐姐介紹過，估唔到喺呢度竟然有食到～獨立包裝，方便衛生。呢兩個鐘好食又好玩，真係超滿足....等疫情緩和番，要帶埋媽咪呢個超級「蝦」迷泥試下，相信佢一定會鍾意。