越男仔

營業中

休息中

♡♡♡📍 越男仔 (沙田)沙田沙田圍路1-7號勵城花園地下1號舖餐廳嘅風格都好可愛，尤其係啲標語😂😂😂，都幾搞笑😹。餐廳嘅氣氛會有少少越南style，影落都幾靚～店員都幾Nice，上菜都好快🤤！🍽 窩蛋烤牛肉生菜包店員一落枱嗰陣就已經提我地食之前記得撈勻佢！因為烤牛肉底下有蛋，要撈埋一齊先會更加好食🤣🤣！蛋汁加埋烤牛肉真係無得頂，呢個生菜包係比平時食到既豬肉餡更加好味，有唔同嘅風味🤤！🍽 手撕雞椰汁酸湯檬粉有超香濃嘅椰汁味！真係好中意有椰汁味既野食😂😂！手撕雞嘅份量都幾多，將所有嘢加埋嘅時候，每食一啖嘅時候都會有餸係度😚，同埋手撕雞都幾嫩滑，檬粉再加上手撕雞同埋呢個咁正既湯底真係perfect match👅！🍽 越式海鮮蝦油炒金邊粉份量勁多，超大碗！海鮮入邊會有蝦同魷魚，海鮮都幾彈牙😍，賣相都幾靚😍～🍼 椰子沙冰超好飲！真係超中意🤣🤣！勁香椰奶味！真係隔住口罩都聞得到～仲要份量都幾大杯！其實以呢個價錢飲到真係幾抵🤣🤣～🍼 香茅畺蜜香茅味都OK，唔會太重所以都幾中意😂。仲會有好香既畺味，仲要咁啱呢幾日涼返少少，飲落都幾好味😚。