Linguini Fini (已結業)

幾好食都冇用,因為冇機會食...6個人想食celebration lunch,打電話去book,佢話要walk-in....冇問題....早d去攞位啫....12:30去到,剩返一張6人台,以為自己好好彩,點知....以下係我同經理o既對話:我: 唔該6位.經理: 齊人未呀?我: 未齊,我而家call佢地落黎,我office響旁邊.經理: 要齊人先至坐得.我: 佢地黎緊...如果黎左超過一半人得唔得? 6個黎左4個坐唔坐得?經理: 唔得,要6個都黎齊先至坐得我: 咁黎左4個點算? (有一兩個可能要遲d到)經理: 坐住4人台先我: 咁之後再黎埋果兩個點算? 叫佢地企響度等?經理: ...我地到時再轉張6人台俾你我: 但係你地得兩三張6人台,台台都啱啱坐低,點算?經理: 呢個係公司規矩,我地呢度唔係做fine dining...我: fine dining?! 大家樂都可以坐低等齊人啦!最後我嬲到爆走左,落到大廈門口,見到滂沱大雨,心情又憤怒又徬徨....一早約晒人,去邊度食好?!