天天見麵 (已結業)

今日因為要去排戲，無時間但又要有野落肚，就同男朋友去左呢度簡簡單單食一碗就算。環境都算幾乾淨，係燈光暗左少少所以好似好污糟咁。我同男朋友分別叫左雲吞麵同牛丸米。先試雲吞麵，無鹼水味，但係第一啖入口，就知道係極極極多味精，我諗，即使有鹼水味都比d味精味遮蓋哂啦。d雲吞係足料，一粒裡面都有3隻蝦無乜其他肉，不過一睇都知，d蝦係雪藏貨，而且鹹左少少。但一碗3粒，$14蚊，通賬時代下算係咁啦。男朋友既牛丸米平平無奇，加上我男朋友好鐘意食麵勁落醋(除左公仔麵/意大利粉之類)所以都唔知係咩味.....兩人埋單$25蚊，價錢係平囉，但食完之後渴到食左半支750既水。