Neko Puff (已結業)

老爸年年生日都指定要食栗子蛋糕🌰，次次都係栗子蓉加海棉蛋糕，呢個配搭佢唔厭我都厭，栗子口味不能改，咁就改下唔用海綿蛋糕，變成拿破崙，既唔會得失佢老人家，我哋又有新嘗試🤣Neko Puff 首創既一小時即叫即焗拿破崙，仲要係世界賽冠軍得獎拿破崙，大部分食材由法國直送，用料夠哂優質，最開心嘅係我唔使入到屯門先拎到，因為佢登陸銅鑼灣Pancake Senmon 😍，放工過銅鑼灣拎啱晒！【 法式栗子拿破崙 】成個拿破崙都係滿滿的栗子蓉🌰，完全係滿瀉既狀態，栗子蓉密密麻麻，佢嘅栗子蓉比較幼，食落超綿滑，拿破崙新鮮鬆脆，層層分明，切既時候仲聽到清脆既聲音，牛油味香濃🧈，千層既酥皮夾著栗子蓉，再結合幼滑無比的忌廉，忌廉仲帶有淡淡既奶香🥛，味道香甜而不膩，入口順滑，完全感受到濃濃的法式栗子情懷，夠哂澎湃🤩🤩我地全家都一試愛上，老爸都大讚，佢仲有超過十款不同口味，而且拿破崙都有唔同既磅數size，無論人多人少都岩，下次要試下其他口味😋