蒲東小館 (彌敦道) (已結業)

早前聽我一個上海朋友介紹，彌敦道一間新開嘅上海菜館，幾有質素，佢本身係上海人，食過都話好，我諗點都唔會有差嘅，今日我放假就同屋企人一齊去食晚飯 。五小碟＄98有糖醋小排，甜蜜蜜的糖醋分配好均匀，醋香幽幽的，肉質煙韌又腍甜，有少少嘅肥黏著不會太乾。鎮江餚肉 外型好像啫喱糖一樣，賣相你以為係肥淋淋，但食落非常脆口，一啲肥的感到都冇，唔會漏喉。雞絲粉皮雞肉一絲絲咁幼嫩鮮甜，涼拌著透薄爽口粉皮，加上香 濃嘅麻醬，真可口。上海薰蛋 正宗上海師傅做呢個薰蛋真係有一手，賣相做得好美觀，溏心蛋黃做到不溫不火，色香味都做得到位。蒜香四季豆 呢個非常醒胃，蒜蓉濃香加上微微辣配合，更能帶出四季豆嘅清甜。還有其他三款 選擇（八選一）浦東小館炒飯＄68呢個係佢嘅招牌炒飯，配料多的是，鮮蝦，瑤柱絲，鮮肉粒，蔥花，青豆，還有秘製嘅醬料配合，每顆飯炒得粒粒爽口。酸辣湯＄28一位上海菜館嘅酸辣湯冇得輸，材料夠豐富，酸辣味均勻。宋嫂魚羹＄30一位 魚羹同樣出色，新鮮食材，魚肉鮮甜，湯羹做得不稀不 稠。