吃吧 (僑建大廈) (已結業)

同舊同事一派無見，聚一聚舊順便幫我慶生六點九度黎到沒乜人住可以揀下坐邊🎊餐牌唔算多選擇所以都好快就揀好左食咩👻野飲黎得最快，我叫左杯西柚檸檬，基本上係杯微甜凍檸茶，有少少西柚味。跟住黎既係西班牙雞翼，單邊炸雞翼，炸得適中唔會好乾好油，但個人覺得唔夠惹味，點完辣醬都唔係好夠味...🙃第二道菜都係小食，多士脆身咬落去有黑松露（但唔多）有好重芝士味，芝士控黎講應該好受落，寫文時先發現原來有煙肉🤔主菜第一味係慢煮牛柳，賣相幾好，咬落去唔會好韌，配個汁同芥末醬食都唔錯，肉質叫對得住個價錢。之後咸豬手後左附送一個點火儀式，然後店員幫手切開方便我地食。皮好脆，但可能有點火既關係，d肉好似太乾，朋友話咸左少少，我覺得味道還可以，但都係食左兩舊就沒再食。最後係海鮮意大利飯，唔太好青口關係所以沒食，蝦沒乜味，龍蝦ok但唔知點解蝦鉗果位好咸淡淡地味既意大利飯，沒食到火喉唔夠既半生米，但⋯可能我地食得太慢🤔？張紙吸完汁就好易爛，我啖飯入面食到一條紙碎😐感覺麻麻😐埋單九百四十左右三個人我地都偏細食，應該都係勉強夠飽，味道我地都覺得中規中矩，但份量或者可以調整一下。