影片
更多
2017-04-03
609 瀏覽
電梯一開門，裝修極靚，樓底夠晒高，又有好很大嘅吊燈，仲有一排望住維港嘅窗邊檯，正！麵包如果係熱辣辣嘅話我會更高興，但總算OK啦，點啲橄欖油及醋一齊食係好味嘅！而且隻碟真係好靚，食得開懷Prawn Caesar Salad好有冰天雪地感覺嘅沙律，好多好多削到好薄片嘅芝士，蝦肉新鮮冇雪味，幾開胃Cauliflower Soup比較杰身嘅湯，第一啖飲已經覺得好正，椰菜花味自然濃郁，但飲飲吓點解咁臊嘅？！睇返menu，唉，原來有blue cheese㗎囉，我自己嘅錯，一睇到cauliflower就唔睇其他字.... 個湯整體係非常好飲，但對唔住我真係頂唔順blue cheese，尤其是飲兩啖就食到啲，最後都係飲唔晒Sea bass煮得啱啱好，唔會過火，魚皮仲好香脆，魚肉OK啦唔削Miso Salmon 一上菜已經聞到好香嘅麵豉味，一切開啲魚油漏晒出嚟咁，淡淡嘅麵豉味唔會蓋過本身嘅魚味，口感好豐富；最特別係竟然牛油果係煮過嘅，原來熱嘅牛油果係咁好味㗎喎！Sesame Cheesecake成件蛋糕都係灰黑色，好足料咁喎！芝麻味好重，質感雖然唔係我最愛嘅硬身cheesecake，有啲偏軟身，但出奇地
麵包如果係熱辣辣嘅話我會更高興，但總算OK啦，點啲橄欖油及醋一齊食係好味嘅！而且隻碟真係好靚，食得開懷
Prawn Caesar Salad好有冰天雪地感覺嘅沙律，好多好多削到好薄片嘅芝士，蝦肉新鮮冇雪味，幾開胃
Cauliflower Soup比較杰身嘅湯，第一啖飲已經覺得好正，椰菜花味自然濃郁，但飲飲吓點解咁臊嘅？！睇返menu，唉，原來有blue cheese㗎囉，我自己嘅錯，一睇到cauliflower就唔睇其他字.... 個湯整體係非常好飲，但對唔住我真係頂唔順blue cheese，尤其是飲兩啖就食到啲，最後都係飲唔晒
Sea bass煮得啱啱好，唔會過火，魚皮仲好香脆，魚肉OK啦唔削
Miso Salmon 一上菜已經聞到好香嘅麵豉味，一切開啲魚油漏晒出嚟咁，淡淡嘅麵豉味唔會蓋過本身嘅魚味，口感好豐富；最特別係竟然牛油果係煮過嘅，原來熱嘅牛油果係咁好味㗎喎！
Sesame Cheesecake成件蛋糕都係灰黑色，好足料咁喎！芝麻味好重，質感雖然唔係我最愛嘅硬身cheesecake，有啲偏軟身，但出奇地cheese味好足夠，再點啲新鮮raspberry醬一齊食，真係非常非常後悔冇叫多一件嚟食！兩個人share一件，點滿足啊？！
服務好，環境食物又好，抵食，值得再食！
張貼
