秋櫻屋 (已結業)

開頭仲以為係一間雪糕專門店，睇清楚個報導原來係一間餐廳引入左呢隻雪糕，好彩無睇錯姐。今日係星期六呀，都預左會多人，目測條隊有十幾個人左右。不過都算非常之快，十至十五分鐘就排到我啦。排隊期間都見到玻璃櫃中有唔少甜品模型，好似好好味咁，搞到我下次都想試下。餐廳有部份位置係開放式，都算幾開揚好似坐得幾舒服咁。終於排到我啦！宜家既雪糕已經進化到唔係卷卷而上，而係打直拉上去。初頭以為份量會太少，但其實食落都唔覺架，因為個雪糕實在太濃，份量太多反而會膩。其實香濃都已經唔足以形容呢個雪糕啦，直頭係將傳統雪糕個texture改變左。以往食親雪糕都先係feel到凍、之後先到甜同滑。Creamia 就唔同，先係feel到好滑好滑，再黎都仲係好滑好滑，之後先到甜；「凍」既感覺都幾乎將佢拋諸腦後啦。味道同質地其實寅係貼近練奶！不過靚既雪糕通常溶得好快，Creamia幾乎一擠出黎就會溶，真係要快點食曬。而且個白之戀人cone都係爛得好快，事關溶左既雪糕好快會將個cone整淋、繼而就爛。雖然要成48蚊咁貴，但係我諗我會返轉頭、仲會企定定喺冷氣地方食，咁就唔會溶得咁快啦😉。