影片
更多
2004-11-10
10 瀏覽
可能我少見多怪，但星期二晚，十點幾，仲有超過三十人在門口等位的，間舖就真係「有D野」！講緊就係今晚在旺角稻香的所見。今晚朋友請食飯，地點佢話事，選了來這裡，仲以為打邊爐，原來是叫套餐。七點鐘來到，門口已是幾墟埳，好在朋友早來拿位，所以直入就坐低。坐了在四人疏化位，都幾舒適。叫了個四人的「龍皇餐」，六味菜加壽包，488蚊加一，有翅有龍蝦又有魚一條，望落幾抵。可能是叫套餐的關係，又人客多來追檯，菜是上得幾好，好快就齊晒。上湯焗龍蝦因斤半，腳多鉗多肉少，走過油味道一般，吃過一舊肉後亦懶得去對付成碟硬殼；紅燒竹笙海皇翅都唔細煲，一圈圈的竹笙及一片片的翅邊都不少，但翅底杰杰的，正中我的死穴，所以雖然餓，但不合口味，只禮貌式的撩幾下就算；看見那條清蒸老虎斑，才再學曉什麼是老虎斑，怪不得成日有舖頭話有神戶牛賣。那條魚算蒸得不差，當然有養魚的味道，但前幾味都少食，所以相對地就吃多了魚；小炒皇是芽菜炒肥牛，雖然是油了一點，亦鹹了一點，都食左唔少；看似是平凡的浸莧菜，但名字卻是「魚米鮮竹浸洋菜」，真係唔望個餐牌都估唔到。菜少許老，亦很大「揪」，汁底幾鹹，但都叫有菜到肚；貴妃穗香雞即白切雞，沒雪味亦當然沒有
今晚朋友請食飯，地點佢話事，選了來這裡，仲以為打邊爐，原來是叫套餐。七點鐘來到，門口已是幾墟埳，好在朋友早來拿位，所以直入就坐低。坐了在四人疏化位，都幾舒適。
叫了個四人的「龍皇餐」，六味菜加壽包，488蚊加一，有翅有龍蝦又有魚一條，望落幾抵。可能是叫套餐的關係，又人客多來追檯，菜是上得幾好，好快就齊晒。
上湯焗龍蝦因斤半，腳多鉗多肉少，走過油味道一般，吃過一舊肉後亦懶得去對付成碟硬殼；紅燒竹笙海皇翅都唔細煲，一圈圈的竹笙及一片片的翅邊都不少，但翅底杰杰的，正中我的死穴，所以雖然餓，但不合口味，只禮貌式的撩幾下就算；看見那條清蒸老虎斑，才再學曉什麼是老虎斑，怪不得成日有舖頭話有神戶牛賣。那條魚算蒸得不差，當然有養魚的味道，但前幾味都少食，所以相對地就吃多了魚；小炒皇是芽菜炒肥牛，雖然是油了一點，亦鹹了一點，都食左唔少；看似是平凡的浸莧菜，但名字卻是「魚米鮮竹浸洋菜」，真係唔望個餐牌都估唔到。菜少許老，亦很大「揪」，汁底幾鹹，但都叫有菜到肚；貴妃穗香雞即白切雞，沒雪味亦當然沒有雞味，亦有一般食肆的通病，為求美觀在上面掃了一層油。想起得龍的太爺雞，吃著這個穗香雞，真的是天上鳳凰與地底沙蟲之比，不過地點價錢不同，又不能直接比較！
不知何時開始，事無大小都見有壽包出現，做得好當然多多唔拘，做得不好就不如來個生果併盤好過。好像這裡的，賣相幾好，但壽包皮與蓮蓉餡是互不相干，內裡的蛋黃又碎碎的不見佳處，質數麻麻。甜品的紫米露幾甜，食左一半都無。
朋友埋單，好似係五百蚊都有找。抵唔抵見仁見志，但老實講這個套餐，質數一般而已。而可能不太對胃口，走的時候，仲幾肚餓，結果要再幫襯仙果園。
題外話：向侍應打探過，原來九點半後火窩有特價，但都唔使好似有錢分咁多人吧！
張貼