我地叫左蟹膏蟹蓋，魷魚筒(無鬚)，加一個海鮮盛合！
蟹膏蟹蓋係必叫，因為係日本嘅磯丸水產食過所以黎到呢間一定要試！佢比日本嘅款式有啲唔同，除左有蟹膏同蟹肉之外，仲有隻生嘅醃鶉蛋！所有野撈埋一齊燒，真係好好味！雖然有少少咸，不過連埋啲青瓜絲一齊食就淡返啲好易入口！
另一款小食燒魷魚筒，全條真接放上爐燒，燒到中間時會掃啲豉油上去再繼續燒，之後就剪成一份份上碟。味道普通，香口，魷魚燒得剛剛好，唔會好韌！
重點來了！就係海鮮盛合，海鮮款式有: 帶子四隻，蠔三隻(正常兩隻，但size小會俾多一隻)，鮑魚兩隻，蜆五隻！所有都好新鮮好甜，唔會有沙;帶子，蜆同蠔都會落少少酒去燒，燒完飲埋啲汁真係好好味！
成餐都好滿足！😄 待應們全程幫我地照顧啲野食燒得好有心機！最後我地食左四個蟹蓋😌 全餐一共$777！算係抵食！
