hoo韓國包車

營業中

休息中

聽講呢間韓國餐廳有醬油蟹特登同朋友過嚟試吓點知真係有驚喜，呢度嘅醬油蟹比喺出邊餐廳價格平啲，一份賣$288。我同朋友一齊share啱啱好。嚟到嘅時候個樣好新鮮，個蟹蓋都有好多蟹膏，旁邊仲配埋咗脆脆紫菜，我食醬油蟹就鍾意配埋個白飯。一咬落去唔同平時嗰啲醬油蟹有浸腥味，反而呢個係好鮮甜，估唔到呢個價錢都可以食到好食嘅醬油蟹。連朋友都讚口不絕。一個飯都唔夠share。另外我哋仲叫咗一個豬肉泡菜鍋，因為我同朋友都想食返啲熱嘢，所以呢個豬肉泡菜鍋就啱晒，佢同出邊啲泡菜鍋唔同，舊豬肉係厚切嘅，如果唔想煮得泰林嘅話自己可以控制火候，因為會配埋個爐俾你。我哋最後都飲晒全部湯。而餐廳嘅環境就十分有懷舊嘅氣息，見到好多都係童年會玩嘅遊戲機玩具漫畫書，睇得出店主好有心思去營造懷舊氣息。