洋食商店 (利奧坊)

營業中

休息中

洋食商店裝修非常貼近日本昭和時代嘅街頭裝飾。一入門口見到啲彈珠機、街機、霓虹燈燈就好有feel，不禁令我回想返去日本旅行嘅好時光。招牌壽喜燒二人餐：日本國產牛牛頸脊&美國頂級牛頸脊壽喜燒、黑松露燉飯、手打和牛漢堡扒套餐非常豐富，六片牛，油脂和牛味都非常出眾。壽喜燒偏甜，採用大阪關西做法。黑松露燉飯係我嘅至愛，奶油味香濃。北海道海膽配紫菜套餐加$10就可以食到！海膽味濃郁新鮮。雞皮餃子既雞皮炸得香脆鬆化，免治雞肉多汁，好出色。士多啤梨&石榴水果茶：茶底揀咗鴨屎香烏龍茶，但略嫌味道偏甜，果味比較科技。