竜王居酒屋 (已結業)

平時好少去北角，今日喺附近工作員發現到喺和富中心竟然有一間好有格調的日式居酒屋，五師時間都幾多人喺入邊，就決定試吓啦，好有驚喜！見到佢都有啲lunch set，不過我同老公唔係全部都啱，所以選擇咗散叫，散叫都唔貴呀，大約每人$200左右，以居酒屋來講非常性價比高。首先食咗四件壽司，油甘魚腩味道鮮甜爽口，同平時食嘅油甘魚有啲唔同，佢哋嘅油甘魚比較爽脆，油脂味唔算好重，但魚香味濃郁。左口魚邊壽司就完全相反，極肥美充滿濃濃油香味，入口又多油又滑。兩款壽司都係醬油漬咗，所以都唔需要點豉油已經好夠味道。芝麻雞翼呢味菜非常有驚喜，平時雞翼食得多，但揸到咁香脆真係好少見。唔係好有芝麻味，但外皮又薄又脆，唔會食到油溢未。雞翼調味豐富，用嚟送酒一流。日式煎餃子正常發揮竜王卷叫咗呢度特色卷物，係炸蝦吞拿魚茸三文魚子卷，平時食吞拿魚茸卷就多，原來配上炸蝦同三文魚子嘅口感同味道都幾夾。吞拿魚茸好香好濃郁，上面灑上花瓣，突顯清香。燒茄子燒茄子上面塗上蒜蓉，再加上少少黑松露，令到成個燒物非常之香口。燒牛舌、燒雞軟骨最後叫咗啲兩個燒物去坐走，熱辣辣燒出嚟好正。