我同男友都好忙好忙，
知道呢日我哋一齊同時間收工，
就預先早幾日係open rice book 定枱食呢間。
而我哋會知道呢間
係因為男友見到一個居港日本YouTuber 介紹，
好似好正咁就一直好想試😍😍
.
一直以為會好多人所以book定枱，
點知上到去都唔係太多人😂😂
環境其實都幾日本Feel,
隔幾枱有枱日本人飲酒飲得都幾開心下🤣🤣
.
服務方面就普普通通囉！
佢哋又唔係唔serve 你，
不過有少少🤏黑面feel😅😅
但舉手都有反應，
你d茶飲淨7成都會自動波幫你加👍🏻👍🏻
.
野食方面，
我嗌左個咖哩湯烏冬，
男友嗌左個炸雞蕃茄辣湯烏冬，
另外嗌左個玉子燒同燒牛舌。
真心好好食😋
玉子燒同牛舌凍左都好食👍🏻👍🏻👍🏻
烏冬方面，我鐘意蕃茄果個多過咖哩果個！
咖哩真心好普通，唔係唔好食，
但好普通囉😅
辣蕃茄個炸雞簡直好食到😳😳
外脆內多汁，
簡直amazing🤩🤩
.
本身想嗌個雞白湯烏冬，
因為賣晒先改咖哩。
所以下次會想試下雞白湯，
希望唔好賣晒啦😫😫
仲有個鰻魚飯都好似好正咁😍
.
呢間都幾適合幾個朋友約埋一齊
傾吓偈吹下水食下嘢，
環境氣氛好好👍🏻
大聲少少都唔驚嘈到人😚😚
而且價錢合理又好食
真心值得一去既地方🥰🥰
4
3
4
8
7
1
