老二花廳 (已結業)

很有舊式香港嘅味道， 小店仲有好多收藏品，好似迷你博物館咁！估唔到食物質素都唔錯！意大利海鮮燴飯你番茄汁作個base， 酸甜開胃~仲有唔少海鮮，例如:青口、海蝦、魷魚等作點綴！飯嘅口感就唔似意大利飯嘅質感咁軟稔，貼合返香港人嘅口味！老二烤春雞塗上甜甜嘅蜜糖，滋味無窮。外層算香脆，肉質軟嫩而咬下都有肉汁爆出來！最開心嘅係薯角竟然可以配上黑松露醬，吾止係點茄汁咁單調。明太子芝士薯條招牌菜式之一！果然冇令我失望。份量好多！食完超飽！香脆唔油膩，新鮮熱辣炸好，金黃色勁吸引。唔少得明太子醬，令薯條搭配出不一樣的風味水果樂園水果茶好多地方都有，而且加入嘅水果各有不同，依家聽個名就知加入咗好多款生果，有西柚、奇異果、藍莓、士多啤、芒果等等，充滿繽紛色彩，酸甜好飲。京都宇治抹茶豆腐拿鐵以為加入咗豆腐會伏伏哋，其實豆腐嘅味就唔係好突出，所以大可放心！反而抹茶粉就非常之濃郁，甘味及澀度平均，值得一試。