寿司九州市場

成日去開沙田嘅我都唔知原來呢度有間日本餐廳，舖頭門面有啲普通，但一入到去發現裝修得好似日本魚市場咁，好有feel！

1

叫咗佢一個壽司拼盤，油甘魚同帶子都好出色，好新鮮，而且肉質都好好，其他就不過不失啦，海膽反而有少少失望，食落去有少少苦～

另外都叫咗刺身拼盤，油甘魚、帶子、三文魚同吞拿魚都幾新鮮幾好食，其他就麻麻哋啦，尤其海膽，我諗係同壽司用同一批海膽，所以味道都係苦苦地！

另外都叫咗一啲燒物，甲羅燒都好食，反而燒雜菇就普通咗啲，唔太抵食！