娘惹廚房 (已結業)

第一次食印尼菜俾左呢度 見價錢合理，侍應又好殷勤招待我地入去，就試吓啦！假日限定既黃薑飯 黃薑飯好香，但薑味唔重，啱晒我呢d唔食薑既人！飯粒乾身唔油膩，粒粒分明配菜有香脆蝦片、煮到好淋同入味既腩肉、粟米餅、無乜味同少少鞋既雞扒、少辣但香口既蝦仁等等。另外叫左個印尼海鮮湯麵，但唔記得影相 湯底黃色既，酸酸地好開胃！不過飲多左覺得鹹。麵底似油麵，份量都多，有少少魷魚同蝦咁。呢味普普通通啦。再炒多個娘惹通菜 娘惹有好少好少辣，食落少少似馬拉盞，同通菜好夾！香口得黎又唔會太濃味。食完已係七點，出面好多人等緊位喇。呢個價錢有咁既質素，係屯門區總算為唔錯既選擇。