熨烤達人 (已結業)

香港而家周圍都是韓燒，今晚嚟左呢間食晚飯，因為貪佢呢度可以由鑽石山地鐵站直達，同埋食完之後可以喺商場度濕瓶，話時話，呢間韓燒雖然裝修設計完全同韓劇中見到嘅一模一樣，但佢餐牌上嘅介紹就絕對夠晒香港口語化：開胃嘢丶飽肚嘢丶矜貴嘢丶香口嘢，見到已經好有親切感。晚飯食飽啲，所以揀左飽肚嘢嘅磚頭五花腩，但估唔到成個食嘅過程好似一場表演咁正，首先侍應會放成舊好似磗頭嘅五花腩喺個爐上面，然後放個熨斗壓住啲肉，兩分鐘後就反轉舊肉，又放個熨斗喺上面壓住舊肉，跟著又重複咁將舊五花腩底、面再燒一次，慢慢就會見到BBQ燒肉啲顔色，好吸引呢！跟著侍應會用肉剪剪開呢舊磚頭五花腩，剪完之後靚靚咁鋪喺爐邊，我地就可以慢慢享用美食了。