影片
更多
2014-10-14
3426 瀏覽
如上篇俾潮江春非食評o既服務評語所講,大前日(11-10-2014 Sat)我和男友帶住大家o既爸爸,o係新都會同葵涌廣場間搵o野食,但正直開飯時候,間間都爆,唯獨是我o地經過地下,向住葵涌廣場o個間日本o野重有位,但世伯又帶我o地去咩室外café坐.原來係A1麵包=.=”,男友同佢講,我爸爸係要食正常晚飯,我就唔記得之前經過o個間日本o野,就冇睇清楚中上o黎呢間,諗住有意粉o個啲,呢間重有好多位.我o地坐低後,睇menu冇set dinner,大大份自己自由配搭,但糟糕,大部份唔o岩有痛風o既爸爸食,而且又貴又冇意粉o個啲.最後男友幫爸爸點o左$248.00o既低溫慢煮堪薩斯式原條豬仔背排,前菜要意式品味碟,有意式豬肉腸,香草番茄肉丸,馬蘇里拉芝士條,湯要塔斯卡尼白豆湯配意大利風乾火腿,重有個甜品.而由於世伯唔肚餓,男友就叫個二人餐,我o地一齊share食.叫個$278.00o既龍蝦。生蠔盛宴,有:即開活生蠔,波士頓龍蝦西瓜沙律,黑松露濃湯,o係鰨場蟹腳,三文魚露筍意大利飯同美國150日熟成穀飼西冷牛扒揀,男友要後者七成熟,精選甜品同餐飲.而我o地都即時叫杯熱奶茶俾世伯,order完
我o地坐低後,睇menu冇set dinner,大大份自己自由配搭,但糟糕,大部份唔o岩有痛風o既爸爸食,而且又貴又冇意粉o個啲.
最後男友幫爸爸點o左$248.00o既低溫慢煮堪薩斯式原條豬仔背排,前菜要意式品味碟,有意式豬肉腸,香草番茄肉丸,馬蘇里拉芝士條,湯要塔斯卡尼白豆湯配意大利風乾火腿,重有個甜品.
而由於世伯唔肚餓,男友就叫個二人餐,我o地一齊share食.叫個$278.00o既龍蝦。生蠔盛宴,有:即開活生蠔,波士頓龍蝦西瓜沙律,黑松露濃湯,o係鰨場蟹腳,三文魚露筍意大利飯同美國150日熟成穀飼西冷牛扒揀,男友要後者七成熟,精選甜品同餐飲.
而我o地都即時叫杯熱奶茶俾世伯,order完,我睇返menu,原來龍蝦。生蠔盛宴唔係二人餐,男友睇錯o左=.=”,唉!算吧,之後食物開始送上:
1. 即開活生蠔
唔係好大隻,
我俾男友食,佢冇講好唔好食.2. 黑松露濃湯
好細碗,顏色深深地,
我同男友Share,飲落.味道真係好濃,口感都夠杰.3. 塔斯卡尼白豆湯配意大利風乾火腿
但o黎o左碗紅色o既湯,我o地冇揀呢個,呢個係地中海海鮮湯配香草橄欖油,
我就叫佢o地換返.o黎返個o岩o既,
我飲一啖,白豆一樣好濃,口感一樣係杰,然後俾爸爸飲.4. 意式品味碟
由於爸爸肚餓,我未o黎得切影,佢同世伯就食晒兩粒香草番茄肉丸,所以相中只剩返意式豬肉腸同馬蘇里拉芝士條.
意式豬肉腸切到細細舊,食到黑椒味,呢個幾惹味.而馬蘇里拉芝士條呢,炸得幾脆口,內裡o既芝士多但味道唔太濃.
5. 低溫慢煮堪薩斯式原條豬仔背排
等o左好耐,爸爸催侍應,之後就到(其實我都睇到係慢煮,但爸爸真係太肚餓喇).有兩件大大件o既,
我將佢o地切開晒,兩位爸爸先食,我爸爸同世伯講,o岩佢送酒飲.之後我o地都食,肉就唔會多,味道都o岩o岩好,唔太鹹,唔蘸佢啲汁都已經好夠.6. 七成熟o既美國150日熟成穀飼西冷牛扒
唔大件,
配上焗蒜頭,蒜頭腍晒又唔大陣味,原來幾好食.講返件西冷牛扒,外面微脆,內裡仍有肉汁,不過味道較淡,就算蘸汁食都唔多夠味.
而另外堆配菜中,除o左眼見o既番茄外,重有南瓜蓉,翠肉瓜,同一粒唔知炸咩o野?我攞o黎食,好得意,佢內裡唔係咩肉,應該係蔬菜蓉之類,反而呢個好食.
而南瓜蓉都好甜好夠味,好好食.
7. 世伯o既熱奶茶
超細杯,世伯話唔好飲,差過茶餐廳好多,咁當然,呢o度始終唔係茶記.
8. 加$18.00o既窩夫伴Dreyer’s雪糕
都有幾多窩夫,
食落係微暖,外面微脆,內裡軟,香味十足又唔太甜,好食. 9. 精選甜品
係車厘子蛋糕,真細件.
我同男友share,我食唔出車厘子味,只因被面上o個啲醬o既味道蓋晒,啲味同紅桑子o既差唔多.而男友食埋o個粒車厘子,慶幸o既係,佢唔係好cheap o個啲藥水味車厘子,佢話好好食.10. 熱檸水
係爸爸飲o既,同樣係細細杯,爸爸讚啲檸檬靚,唔澀.
有冇發現我冇寫龍蝦。生蠔盛宴中o既波士頓龍蝦西瓜沙律?因為我o衣o家(12-10-2014 Sun)朝早寫食評,睇返menu至知有呢個,所以前一晚我o地係冇發現漏俾.
服務:除o左俾錯湯同漏俾波士頓龍蝦西瓜沙律外,就係有時叫人都叫唔多,其實佢o地有好多人,唔明點解會咁忙?
不過佢o地一開始都有俾個箱仔我,將手袋放入去後,放o係自己o既凳底.
第一次要叫佢o地斟水,之後都好醒覺地主動斟.
都好有禮貌,俾3.5分
其他:
已經要自己配搭,菜色名字重要咁長,令人好煩厭,一啲都唔討好,又冇唯意重有寫’是日精選餐湯’揀,否則會問係咩o野湯.
而且出現o左上面所講o既漏俾o野我o地o既情況.
味道係3.4分消費:
由於世伯真係冇乜點食o野,所以呢餐計三個人, 1.5分
張貼
