白樂天 (已結業)

趕住下場，又唔想食快餐店所以就去左food court求其食，但求快！原本唔係諗住食韓國野，但我見到佢個番茄湯好似幾正，試下無 妨啊反正$45 一個set 。個set 分別有湯，飯同小食一款，$45有3 樣野食，份量又唔算少，無論湯/飯/小食都有2-3個選擇，感覺都幾抵食！番茄雜錦海鮮湯： 大碗，幾足料，有蝦，帶子，紅蘿蔔，番茄，洋蔥，薯仔，西蘭花。蕃茄湯底有用茄膏。 可惜洋蔥有d生，薯仔紅蘿蔔西蘭花都有d 硬，令原本應該好好味既湯減曬分！韓式泡菜豬肉飯：kim chi唔夠正中，嚴格黎講都唔算係kim chi, 完全無辣味而且豬肉份量少。建議試其他。小食：魚腐配菇，好鹹，兩樣野一齊嘅味道有點怪。建議試其他。 可能我今次揀嘅，咁啱都唔係我口味，唯有下次再試其他款喇。