旺角咖喱大皇 (已結業)

我見到呢間大王評語咁好，於是決定一行三人去試吓啦。人人都叫套餐，我地就散叫，發覺價錢差唔多，但d野食無你地講咁好囉：冬陰功：都唔係冬陰功黎嘅，又唔酸又唔棘又唔香，完全失敗，一開始就令人地好失望。串燒雞半打：唔乾，幾香，係所有野食中最好嘅串燒牛三串：有肉汁，但好難先咬得開串燒豬三串：太乾同埋都係好難先咬得開印度咖哩蝦：個汁都唔係咖哩，個蝦無味，唔好食椰汁咖哩牛：個汁一樣唔係咖哩，d牛唔係牛，係用牛展，好騎尼但唔得囉，完全做唔到牛肉嘅鮮同嫩印度薄餅：好細塊，又凍又硬，好似整定左好耐咁，失敗蔥油餅：比起其他野食，呢個ok d，好彩有叫，唔係要返屋企煮公仔麵啦白飯：我無食，不過我估好難會唔好食服務：唔洗叫都經常有人幫你舀凍水，ok冷氣就大左d睇得出佢地都係有心做嘅，。不過d出品真係可以再做好d囉，不如去學吓或者食吓石崗個d，可能會明白乜野叫印度咖哩，唔好整埋d港式咖哩先得架，有待改善啦。