火山燒 (已結業)

服務態度麻麻，d位坐得迫，我兩個人入去，拎住兩袋野，見有個卡位，問佢可唔可以坐卡位，佢就話得番一張卡位，唔比我地坐。之後 10分鐘後有對情侶入黎，安排坐搭枱位，之後一陣就安排佢地坐卡位，明明就有二人搭枱位，又話留張大枱，咁你唔係留比4人，點解唔比我坐？做法係咪應該一視同人？另外間野好大煙，因為佢地有咩石燒牛扒，會整到間野好煙，但我見佢3部冷氣開得一部，成間野好煙，好焗，坐又迫，都成20人開1部冷氣？食物方面就話日本邊到邊到，食落去就好一般。叫左個咩漢堡扒蛋包飯，話話北海道牛，完全無牛味，d飯就有d硬，珍珠米，但係硬，唔知係咪冷飯。另一個就豬肋骨，都係茶記水準。一般。價錢唔係平，兩個人都成250，但茶記水準或以下。唔會再食。依個價錢出面大把好野食。