影片
更多
2017-06-14
163 瀏覽
男朋友最近係九龍灣做嘢，話呢頭開咗幾間高質餐廳，好多人食過都讚，所以我地今次都膽粗粗咁嚟試吓。既然有幾間可以㨂，點解揀咗打邊爐？全因爲個靚仔經理囉！哈哈！門口個經理真係高大靚仔，最重要係笑容十足所以男朋友問我想食邊間時，我就指一指呢間，嘻嘻！心諗：入去坐就可以睇足成晚嘛～雖然我係因為有靚仔㨂咗呢間，但環境同食物都真係唔錯。一坐低就會比個調味架你，有8種配料可以比你㨂，最surprise 係個XO醬，因為真係超足料！湯底揀咗鴛鴦鍋$118，蕃茄湯底同沙嗲！打邊爐最鍾意食粟米，煮到熱辣辣，脹卜詌就啱啱好啦！同埋呢到粟米（$58）夠晒甜，味道唔假！招牌四寶丸（$98）全部都係手打，食落爽口彈牙，唔沾醬油都已經好有鮮味！而且佢分開隔隔上，攞嗰時都好方便。呢碟水餃皇（$108）真心有驚喜！樣貌非常普通，唔覺得有咩特別，但食落發覺中間隻蝦唔單止大隻，仲好新鮮，無諗過水餃都會用咁靚料包精選牛肉拼盤（$328）對於我黎講，其實我真係唔太識分係咩部位！哈哈！不過會食得出每款嘅口感都唔同，有爽口既，有入口即溶既，每款都好有牛味，唔錯的！啱晒我呢啲咩都想食，但又食唔多嘅人花竹蝦$68/隻，雖然聽落有啲貴，不
既然有幾間可以㨂，點解揀咗打邊爐？全因爲個靚仔經理囉！哈哈！門口個經理真係高大靚仔，最重要係笑容十足所以男朋友問我想食邊間時，我就指一指呢間，嘻嘻！心諗：入去坐就可以睇足成晚嘛～
雖然我係因為有靚仔㨂咗呢間，但環境同食物都真係唔錯。一坐低就會比個調味架你，有8種配料可以比你㨂，最surprise 係個XO醬，因為真係超足料！
湯底揀咗鴛鴦鍋$118，蕃茄湯底同沙嗲！
打邊爐最鍾意食粟米，煮到熱辣辣，脹卜詌就啱啱好啦！同埋呢到粟米（$58）夠晒甜，味道唔假！
招牌四寶丸（$98）全部都係手打，食落爽口彈牙，唔沾醬油都已經好有鮮味！而且佢分開隔隔上，攞嗰時都好方便。
呢碟水餃皇（$108）真心有驚喜！樣貌非常普通，唔覺得有咩特別，但食落發覺中間隻蝦唔單止大隻，仲好新鮮，無諗過水餃都會用咁靚料包
精選牛肉拼盤（$328）對於我黎講，其實我真係唔太識分係咩部位！哈哈！不過會食得出每款嘅口感都唔同，有爽口既，有入口即溶既，每款都好有牛味，唔錯的！啱晒我呢啲咩都想食，但又食唔多嘅人
花竹蝦$68/隻，雖然聽落有啲貴，不過真係好新鮮！上枱時仲識郁既，見到佢比滾水煮熟雖然有啲殘忍，但食落真係好鮮甜爽口，我覺得係貴得合理的。
其實成餐飯我都滿意既，不過唯獨我唔係太識欣賞呢個炸千層腐皮（$68）男朋友覺得OK, 但可能我預期佢會係炸响鈴嘅口感，會好香脆！但點知食落，口感比較結實，無咗好鬆化嘅口感，同預期有啲出入...
食完飯仲會送你生果一碟，估唔到打邊爐都有生果送！呢啲或者就係高質邊爐同普通邊爐既分別
其實我覺得呢到好適合一家大細黎食，一來地方大，坐得舒服；二來服務真係好；三來有靚仔經理，唔介意行遠少少，呢到都係好選擇！
張貼
