翠華冰廳 (已結業)

好耐好耐冇食翠華了，最近荃灣廣場開左間翠華冰廳，就過來試下。呢間冰廳比過往去開既茶餐廳要略得高級d,餐廳的裝修也十分雅緻，光線很柔和。文青風設計，門口同屋頂都有書本的裝修，書卷氣濃厚，岩晒打卡。野食選擇繁多，除左飯，麵，還有點心，野飲，中西選擇都有。印象最深刻系呢個雪雪濃滑絲襪奶茶凍，佢最底系奶凍，飲筒插到底吸到，好滑。茶味香濃，真系好特別，奶茶控一定不要錯過。蛋撻很新鮮，蛋香十足，酥皮一掂就碎。雲石紋菠蘿包，賣相好靚仔，皮很鬆脆，新鮮滾熱辣，好味！另外多款包都有外賣，很方便！