Rotiboy Bakeshoppe (已結業)

聽雜誌介紹話呢間鋪喺馬來西亞好出名，經過開旺角，即刻試試。鋪頭基本上只賣6樣嘢：榴蓮包、咖啡包、凍/熱咖啡、凍/熱奶茶由於同行朋友唔食榴蓮，所以我地要咗凍奶茶同咖啡包。 套餐價 $24我開頭以為東南亞奶茶一定甜到漏，點知茶味出奇咁濃，茶有回甘味，飲完好精神！而且奶味唔會太濃，剛剛好，推介！熱辣辣咖啡包！好想咖啡味， 拎上手仲"辣"手，外表有啲似墨西哥包咁，望落幾鬆軟。咬第一啖，咩餡都咬唔到。 咬多兩啖只咬到啲餡。 餡料係有啲似奶黃包咁，好甜，甜到有啲膩，終於明白佢啲奶茶點解冇咁甜啦。 麻麻地，唔係好啱口味。 下次應該只會買奶茶飲。