小島•澳門菜 (已結業)

好想去澳門瘋狂食野但係又無假期，只好黎timesquare嘅「小島•澳門菜」食澳門式葡國菜，當自己過左一趟大海。海鹽檸檬燒沙甸魚沙甸魚係我心目中一向係罐頭食物，估唔到原來新鮮嘅簡簡單單用海鹽同埋檸檬汁調味已經好好味！大大條，肉質結實之餘味道鮮甜。葡式檸檬白酒煮海蜆蜆係葡國菜好常見嘅食材，呢個白酒煮蜆用嘅係花甲所以口感更好更彈牙！好多芫茜、蔥同埋菇湯底尤其鮮甜美味，飲極都唔厭。澳葡芝士鮮茄焗豬排飯豬排軟硬度適中，加埋芝士同埋新鮮蕃茄好惹味，如果多D醬汁就更好啦！小島乳豬脆包乳豬皮脆卜卜，豬件幾有肉汁，估唔到同豬仔包幾配！點埋甜甜辣辣嘅醬汁就好開胃。奶皇流心葡撻葡國菜點少得葡撻啊！呢個葡撻暖暖嘅流心好似奶皇月餅咁誘人，同本身嘅蛋漿好夾而且唔會太甜，食多幾個都得！