翠華餐廳 (已結業)

同仔仔周圍食, 食到落佐敦間翠華食下午茶, 仔仔同我講左好耐要食翠華個奶油豬仔包, 佢話每次經過門口見到幅相都流口水, 因為見相入面個豬仔包烘到燶燶地, 好似好好食咁 今次食左一碗魚旦河, 奶油豬, 凍檸茶同熱華田, 個奶油豬我同仔仔一人半邊, 咬落唔係好夠熱, 煉奶都唔係好夠, 不過個包幾鬆化, 味道ok啦, 仔仔食完有少少失望! 碗魚旦河幾好食, 河粉夠滑, 魚旦有彈性, 湯係白色的, 有好重胡椒味同蔥味; 飲品都有水準, 只係覺得凍檸茶比較多冰, 下次一定要小冰先得!