Dabyida Restaurant and Bar (已結業)

終於約到追求多個月的女神共晉晚餐，特意挑選位於棉登徑的Dabyida，仲係臉書發現特別菜色係蟹餅！間餐廳環境不錯，店員特意預留窗口位，雖只有街景但配合柔和燈光，輕鬆浪漫的音樂，這頓燭光晚餐令女神與我的距離拉近了很多。當晚點了三款菜色: 鮮青口，蟹餅及焗羊架大廚今晚推介唔白酒煮改用茄膏可加辣，我擔心女神怕辣所以只用茄膏煮，出黎味道夾得不錯，無搶了鮮青口的味道之餘同時令人有置身加勒比海的感覺。幸好女神沒有於青口吃到沙粒，如果唔係我一定俾人扣晒分。第二道菜色蟹餅，知道女神很喜歡食蟹但又為了顧及佢既儀態，故此這道菜色非常適合佢。蟹餅選用麵包蟹起肉做，表面沾滿麵包槺，咬落去淡淡肉之餘而且沒有多餘的油分，蟹肉的味道仍然保留而且份量剛好足夠兩人。女神很滿意!!! 待應話此款菜色並不是經常供應，當日亦只限量供應數碟，所以真幸運。最後一道菜色為焗寶雲蘇羊架配磨菇燒汁，這道菜色雖然價錢不便宜但都不錯，羊架五成熟剛剛好，無血水滲透而且肉質很嫩滑，咬落去亦沒有難撕開的感覺。而且不需點芥末或薄荷醬都經已夠味。總括黎講，這頓晚餐令女神對我印象加分之餘，佢仲問我幾時再帶佢去食好野! 聽完佢咁講，這餐真的超值!