唇茶 (旺角中心第一座) (已結業)

旺角-唇茶：少甜Double May (L:hk$32), 試飲情蔘香六安（$0）, 試飲六月飛雪（$0）在旺中搵到一間我好鐘意既茶飲店😍對日坐夜坐冷氣office既女生黎講，呢間店用桃膠做主打，再加各種養生手調茶，真係好吸引。每杯手調茶都配有桃膠，充滿植物膠原蛋白，仲要唔少，連埋茶料有成1/3咁多，簡直係甜品級享受！我點的double may是菠蘿洛神花香六安（一種茶），睇材料就知係穩陣之選，酸酸甜甜又有茶香👍🏻勁多菠蘿同埋桃膠係入面，仲要係新鮮菠蘿，老闆話係炒出黎的，絕對唔係用糖漿，飲完覺得好正👏🏼👏🏼然後老闆好好人，見我好奇想試情蔘香六安（花旗參熱情果茶）又唔敢叫（唔飲花旗參怕苦），所以比左我試飲，哇！原來一點都唔苦，估唔到花旗參同熱情果咁夾，想清清熱可以放心叫呢個。老闆仲比左d料我睇，係真·熱情果黎的！！之後仲比我望到一煲剛煮起既六月飛雪料（雪梨乾、無花果乾、南北杏、藍棗），爆足料，所以又試飲埋，好清潤💓仲有好香藍棗味，真係好岩秋冬飲，個人覺得秋天來了，飲呢間正過鴻福堂😛希望呢間真材實料既茶店可以長做長有，乾枯的皮膚需要你。---------------•