越興園越南菜館 (已搬遷) 新店位置

#肥doi遊旺角.疫情搞到好多女人街中間既檔攤因為無乜生意而停開，正因為咁令到女人街兩邊既食店重見天日，原來女人街有好多抵食既鋪頭係一直比人忽略，就咁粗略估計成條女人街有成六七十間鋪頭好羡慕係附近返工既人有咁多野食揀！.二人套餐$248（加一後$273）-餐牌有2個二人餐比大家揀，問左店員原來可以撈亂2個餐入面既配搭，甚至可以改嗌本身唔係餐入面既野食，可以按自己口味去揀唔同既小菜，勁正😂套餐包含左4個小食同一個主食，仲包2杯野飲，轉特飲都唔洗另外加錢。.《炸春卷、牛油雞翼、薄切鹽燒牛肉手卷》炸春卷唔洗多講，聽聲就知有幾脆，就算放耐左都唔會變淋，個人覺得係3樣小食入面最好食既一款，隨春卷附送一兜生菜，可以當生菜包包住黎食都得。牛肉手卷個粉皮個人覺得太厚，有啲難咬開，唔小心仲會扯爛成塊皮搞到入面啲餡跌哂出黎，味道有啲淡，要落啲撈檬汁去調味。牛油雞翼無春卷咁脆，大小適中飽滿，牛油味唔算好濃同埋食到某啲位置先食到有味。.《秘製醬汁豬頸肉燒》份量好似唔洗錢咁，數過足足有13塊，而且每塊都係又長又厚切，絕對無揸流攤，價錢食水唔深，同係街市買一塊豬頸肉既價錢差唔多。邊位燒到脆口，包生菜食一流。.《越