影片
更多
2009-05-02
4 瀏覽
成日見銅鑼灣及旺角街頭出現佢地嘅宣傳公仔，咁耐都未有機會試吓。直到小公主上次同朋友去試過後，見到佢地近排推出信用卡優惠套餐，五佰蚊二人套餐幾抵食，於是去咗尖咀亞士厘道呢間分店食。去到門口已經九點，肚仔餓餓之餘，竟然仲要等位，係咪咁旺場呀，見到陸續有客人埋單離開，仍然未安排我地入坐，餓死我地兩個。等咗都兩三個字，終於有位，但係竟然安排一張打對面坐嘅二人枱，隔離仲要有客人，我地好似比兩班人夾住喺中間咁，見隔離有幾張四人枱吉咗，即時向侍應要求調位，亦即時安排比我地，服務算幾好。如預先計劃咁叫咗個信用卡套餐，據menu顯示，呢個餐比原價係平一半，而menu入面嘅a la carte，大約需要80/碟。之後侍應分派每人有兩隻細碟，一個三種格嘅醬油 (盛八秘製醬油、檸檬汁、鹽燒汁) ，而每種汁在餐牌入面會有詳細說明，照顧周到。而且每一樣餸上枱後，侍應都會解釋每一樣嘅食法或者煮法，都係非常細心的表現。爐頭火力亦可以自己隨意調較，因為個制就放喺枱邊，用英文顯示。食物如下：1. 柚子鮟康魚肝 - 一啲腥味都冇，亦唔會係因為內臟會覺得膩，應該係用了柚子嘅關係而得到平衡。2. 汁煮鮑魚仕立 - 鮑魚嘅口感就
等咗都兩三個字，終於有位，但係竟然安排一張打對面坐嘅二人枱，隔離仲要有客人，我地好似比兩班人夾住喺中間咁，見隔離有幾張四人枱吉咗，即時向侍應要求調位，亦即時安排比我地，服務算幾好。
如預先計劃咁叫咗個信用卡套餐，據menu顯示，呢個餐比原價係平一半，而menu入面嘅a la carte，大約需要80/碟。之後侍應分派每人有兩隻細碟，一個三種格嘅醬油 (盛八秘製醬油、檸檬汁、鹽燒汁) ，而每種汁在餐牌入面會有詳細說明，照顧周到。而且每一樣餸上枱後，侍應都會解釋每一樣嘅食法或者煮法，都係非常細心的表現。爐頭火力亦可以自己隨意調較，因為個制就放喺枱邊，用英文顯示。
食物如下：
1. 柚子鮟康魚肝 - 一啲腥味都冇，亦唔會係因為內臟會覺得膩，應該係用了柚子嘅關係而得到平衡。
2. 汁煮鮑魚仕立 - 鮑魚嘅口感就欠奉，但係用上大量各式各樣嘅磨菇就令呢道菜香味濃郁。
3. A5和牛刺身沙律配意大利黑醋 - A5和牛真係見得到油花非常平均，但係可能生食關係，食落就唔覺得佢有咩特別。不過呢道菜係沙律，蔬菜至係主角，新鮮嘅蔬菜配合微酸嘅意大利黑醋，非常醒胃。
終於嚟到今晚嘅重頭戲出場
4. 原隻伊勢海老 (香草牛油) - 龍蝦唔算太新鮮，燒完後啲肉唔係咁離縠，香草牛油要多啲，因為份量少，唔係太夠味，不過龍蝦仍然鮮味嘅。
5. 佐賀A4和牛肩胛肉 - 雖然唔係A5級，但係油份都仍然好充足，只係略嫌厚度稍薄，口感不足，可能真係成本好高啦，如果唔係就唔係呢個價錢。
6. 貴族和牛橫隔肌 (洋蔥油) - 洋蔥油燒熱後係最香嘅，所以呢樣係咁多種牛肉入面本人覺得最出色嘅。
7. 鹿兒島芝味麥豚 - 有喺表面舖上七味份，燒完後，有啲似煙肉嘅感覺，仲要係辣味添，幾惹味嘅。
8. 極上鹽蔥牛舌 - 太薄嘅牛舌冇口感，有大量嘅碎蔥，結果係靠蔥嘅味，而本來嘅牛舌味就唔見咗。
9. 意大利香草雞腿肉 - 同樣道理，香草味就唔覺，但係雞腿肉真係好鮮嫰，每舊仲要有埋小小嘅雞皮，燒起上嚟特別香口，而且燒得耐入面仍然保持濕潤，可能係有香草汁嘅關係。
10. 有機三色甜椒 - 有六舊三色椒加一舊鮮菇，放在爐嘅側邊燒，水份仍可保持，味道ok。
11. 伊勢海老野菜稻亭烏冬 - 食物燒到一半，侍應主動問我地要將放在碟盤上嘅龍蝦頭攞去廚房煮烏冬，十分鐘內，熱辣辣大大碗嘅烏冬就煮好。湯底都係偏甜，日本風味，料就冇咩，因為龍蝦頭都冇咩用，但係就夠鮮味，再加上彈口烏冬，口味不俗。
12. 桂花津田梅酒凍 - 呢樣竟然到最後侍應話啱啱冇貨，問我地可否轉綠茶雪糕，其實正中我地嘅下懷，我對原本嘅梅酒凍興趣不大，但係綠茶雪糕顏色就非常好，夠墨綠，但係味道有一啲都冇綠茶feel，唔苦兼係太甜，失敗之作。
Comments: 雖然唔係極度飽肚，但係以肉嘅質素，咁嘅價錢，算做抵食，但係如果以正價就.......
張貼
