一品螞蟻 (已結業)

探完公公，落左葵芳食野。當時2:05到，下午茶要等多半個鐘，食LUNCH就有位，所以就揀左食LUNCH。LUNCH餐牌有2張，一張係西式既扒、飯、意粉。另一張就好車仔麵FEEL既湯麵，仲有豬大腸。係咁西式既餐廳食豬大腸米線，好奇怪既感覺。我同媽媽都唔係太肚餓，所以叫左個煙鴨胸沙律SHARE食。個SET都幾多野食，有好大碗沙律、麵包、湯。SET可以揀羅宋湯或者忌廉湯，我揀左忌廉湯。湯好滑同唔會太稀，仲食到唔少磨菇粒。沙律好大碗，有好多款菜生菜，紫椰菜，蘆荀。我幾欣賞佢千鳥醬分開上，客人可以根據自己喜好落醬。岩哂我呢啲飲沙律醬既人，通常我都會覺得唔夠沙醬。自己落就唔怕啦。菜係新鮮，但鴨胸唔得。煮得太耐，好韌，好似食緊叉燒咁，完全唔襯沙律。