上海姥姥 (德福廣場2期)

營業中

休息中

自從去過銅鑼灣上海姥姥，念念不忘佢地嘅蔥油餅，於是乎係九龍灣云云餐廳之中，㨂翻上海姥姥幫襯。入到餐廳，個感覺好奇怪，有d枱設計到比較細，又有吧枱，設計前衛，但我食嘅唔係前衛菜，奇怪！都係銅鑼灣舒服。姥姥手製排骨拉麵，雲吞雞湯，招牌小籠包，生煎鍋貼同生煎包，以上每款點咗一客。食完無問題的話，就叫蔥油餅做外賣！點完菜之后再望望四週環境，都係好唔自在，唉.... 下次都係翻銅鑼灣嚕....拉麵分量明顯少咗，拉麵湯底同雲吞雞湯係同一湯底，味道清甜，雲吞雞湯係最失望，湯裡有兩件雞，兩件都係肥雞，雞皮比雞肉多，失望！慶幸雲吞皮薄料足，失望之中有翻d安慰。生煎鍋貼俾我另一個失望，鍋貼底煎得唔夠燶，所以唔夠脆，而且皮厚咗d。最滿意係小籠包，坊間d人，又加醋又話咬開個小籠包頂部又點點點..... 我嫌麻煩，亦都唔中意加任何調味品，原味最正，上海姥姥嘅小籠包絕對鮮味，嘩！辣咀，好熱呀！食果時要留心！蔥油餅... 唉... 為免唔想中伏，算吧！最後總結，要幫襯上海姥姥，都係銅鑼灣店！