我也愛你咖啡館

營業中

休息中

三顧草廬 難避失望😞第一次去係新年、無開；第二次去係復活節、full house ；第三次....whatsapp訂位，終於食到...係而家依個環境，小店full house真係好難得，我亦都抱住好大期望去依間cafe，仲預早十日前book位。當日我叫咗大澳鹹魚茄香蝦意粉$168、香脆粟米球$68、蘋果塔$78、cappuccino $48、long black $38。首先大澳魚香蝦意粉，只食到咸味，咁究竟「魚香」係乜？！感覺佢哋用嘅係好平價嘅食材，只係一個有咸醬味嘅蝦意粉，而蝦亦都唔彈牙、唔爽口，係死實，意粉亦都唔掛汁，佢仲落咗大量鹹橄欖，好奇怪。香脆粟米球，我初初以為係粟米包住啲肉，原來成個都係粟米球。OK嘅，正常發揮，價錢亦都合理。蘋果塔$78，上碟係靚，正常味... 好普通，依個質素係偏貴。佢哋咖啡唔掂，係好淡嘅咖啡味。我初初諗唔明點解咁嘅味道會Full House，原來佢訂咗枱只做一轉，基本上唔會再返枱。如果想搵個地方坐低傾偈飲嘢，佢係唔限時，幾好嘅選擇。打咭係ok，但對佢嘅食物飲品唔好太大期望。