美味佳 (已結業)

朋友介紹，所以專登過海黎食，環境不佳，不過串燒黎講價錢比較平（普遍$6-$10/串），而且以往食過燒雞翼都唔錯，香口大隻，孜然粉味濃（不過食過其他野之後，發現全部食物都只有孜然粉調味-.-"冇其他）第一張單等左半小時，諗住星期六晩忙啲慢啲唔緊要，所以一有野上枱已經加左單。黎左翠玉瓜、菜心、芥蘭、雞全翼、雞肶菇、雞軟骨等。當中以蔬菜類最驚喜，翠玉瓜、雞肶菇唔會吸哂啲油，重幾多汁。可惜之後等左差不多一小時！係一小時！都未有第二張單既野食，第 心一張的亦未齊。其實已經係第三次講，一個化行妝既呀姐即刻大聲話＂一定出左囉！＂講完重即背向我地！根本就係掛住做外賣！等多三分鐘終於有野食，不過都未齊，又轉哂辣！同行友人根本唔食得辣，咁又點食呢?!唔建議墨魚咀，又冇味又腥。