食物係失望到暈，唔可以話唔好食， 但真係好普通， 雖然我地2個人叫左5個點心， 有早市優惠都係160蚊埋單， 但我唔會有下次。
排骨： 排骨係半肥瘦，豉椒入味，下面既芋頭粒都鬆化入味。
春卷： 剪開d春卷好大個窿， 唔算多料。
咸魚雞粒飯： d飯係太多水， 太軟，咸魚係死咸， 1定唔係梅香。d 豉油冇另上，好難控制份量。
菜蝦餃：蝦仁大粒，味道ok。
牛肉腸： 得2條6件，外面多數係3條9件， 份量少。同樣豉油冇另上， 姐姐落太多。隻牛肉腸既碟可以係黃晒4邊都唔換，完全知道隻碟既年紀。
總結係普通， 冇咩需要再黎。最唔開心係， 咁既疫情都要搭枱，連膠板都冇， 冇下次。
