影片
更多
2004-04-25
20 瀏覽
再次去呢度食dinner buffet，今次主題係"葡國澳門"，雖然呢度選擇唔多﹐但印像中覺得都唔錯，可惜今次失望而回去到好爆場，full 哂，但食完後我覺得佢唔值咁full食物同之前大同小異，一樣唔多選擇，但質素就明顯下降。首先，沙律得好少款又求其，得雜果沙律、薯仔沙律、凱撒沙律、牛肉沙律、葡式菠菜沙律，食左牛肉沙律，一般，其他見到都唔想食(賣相好差﹐正如我之前所說整得都頗求其)﹐冷盤仲有食左生牛肉刺身配芥末汁﹐呢個反而有驚喜﹐另外叫左手卷﹐係即整的﹐有三文魚、吞拿魚、蟹子揀﹐我好少會食手卷、sushi呢d野﹐不過係見到冇咩好食所以先食…佢d款式除左同以往一樣少外，仲要都冇乜點轉﹐所以又係食返果d野…意粉、生炒骨、咖哩雞、炒時菜、白汁龍利柳、燴牛尾、關東煮(唉﹐真係同半年前甚至係一年前一模一樣)，味道真係好一般，冇咩驚喜，仲有，雖然話今次主題係"葡國澳門"﹐但切合呢個主題0既食物唔多，豬扒包︰豬扒味道唔錯﹐法包夠脆，配埋洋蔥都幾好食﹔豬骨煲︰唔好食，得個鹹字﹔葡式炒飯﹐黃禁禁﹐得d提子乾同埋唔知咩一粒粒﹐好少料，但甜甜地都幾好食﹔水蟹鮑魚粥︰粥底夠棉但偏淡﹐而且杰左少少﹔跟住就好似冇
去到好爆場，full 哂，但食完後我覺得佢唔值咁full
食物同之前大同小異，一樣唔多選擇，但質素就明顯下降。首先，沙律得好少款又求其，得雜果沙律、薯仔沙律、凱撒沙律、牛肉沙律、葡式菠菜沙律，食左牛肉沙律，一般，其他見到都唔想食(賣相好差﹐正如我之前所說整得都頗求其)﹐冷盤仲有食左生牛肉刺身配芥末汁﹐呢個反而有驚喜﹐另外叫左手卷﹐係即整的﹐有三文魚、吞拿魚、蟹子揀﹐我好少會食手卷、sushi呢d野﹐不過係見到冇咩好食所以先食…
佢d款式除左同以往一樣少外，仲要都冇乜點轉﹐所以又係食返果d野…意粉、生炒骨、咖哩雞、炒時菜、白汁龍利柳、燴牛尾、關東煮(唉﹐真係同半年前甚至係一年前一模一樣)，味道真係好一般，冇咩驚喜，仲有，雖然話今次主題係"葡國澳門"﹐但切合呢個主題0既食物唔多，豬扒包︰豬扒味道唔錯﹐法包夠脆，配埋洋蔥都幾好食﹔豬骨煲︰唔好食，得個鹹字﹔葡式炒飯﹐黃禁禁﹐得d提子乾同埋唔知咩一粒粒﹐好少料，但甜甜地都幾好食﹔水蟹鮑魚粥︰粥底夠棉但偏淡﹐而且杰左少少﹔跟住就好似冇其他特色主題食物
即煮counter有雲吞麵﹐粉可以選擇河粉、銀汁粉、粗麵、幼麵、拉麵﹐但就係冇米粉，不過麵底選擇已經比之前多左﹐湯底都有豬骨同雲吞兩種﹐兩種湯底都唔錯，但就我所見，比較多人揀雲吞湯，雲吞同以往一樣，好大粒好彈牙﹐仲有好多配料揀︰荀、昆布、日式魚蛋、粟米、蟹柳…我覺得好好味，所以食左三碗
即煮0既仲有海鮮煲，都幾多海鮮揀而且好新鮮﹐d蝦仲紮紮跳，湯底都幾鮮甜
pancake 有好多選擇﹐花生醬、芝士火腿、雞醬、魚…(仲有d唔記得)﹐我要左芝士火腿，可能落得多芝士所以我覺得幾好味，呀…仲有碗仔翅﹐呢個都唔錯(不過又係上兩次都有)<br />
好喇，輪到甜品﹐係全場最慘不忍睹0既一環…
竟然同時冇tiramisui同cheesecake !!!我簡直唔敢相信原價連埋加一over 300 0既酒店自助餐會係咁!! (雖然有8折最後計返唔駛咁貴﹐但都係0者…)，真係好離譜﹐係好少好少款﹐我數過中、西甜品夾埋只得十款咁大把﹐之前有日式甜品(和果子)，但今次都冇﹔我簡直唔相信自己肉眼所見，除左chocolate mousse外就竟然冇其他cake…
仲有d咩燕窩燉蛋(但其實唔多覺有燕窩)、棉花糖(真係cheap)、豆腐花(好味但食到厭)，呀…仲有木槺布丁(呢個我冇食，但豬仔話好好食)，西式甜品就真係少之有少﹔雪糕依然係自助形式0既軟雪糕﹐但冇興趣所以冇試到，以前有窩夫﹐但而家都冇埋
仲有薑汁奶茶不過冇試到
低讚0既係服務依然好好﹐特別要表揚0既係駐守dessert counter0既哥哥仔、整pancake0既印度藉阿叉哥哥、包手卷0既師傅、煮雲吞麵0既哥哥仔﹐佢地全部都好健談、細心、helpful、友善
今次再黎﹐望真d發現原來呢度裝修都舊舊地
原價未加一要$285 ﹐有8 折﹐但個人覺得折左都唔值﹐下次有排都唔黎
個"笑口" 係比服務同少部份令我滿意0既食物(我強調係"少部份")，其實如果有平咀我會比平咀
張貼