金滿庭京川滬菜館 (時代廣場) (已結業)

同事話想食金滿庭，貪佢坐得舒服價錢又唔貴，於是我地就去左時代廣場13樓。由於無訂枱既關係，星期五既夜晚六點幾都要等10分鐘先能夠入座。一坐低就揀左人蔘烏龍茶，味道甘甜。另外仲有雞軟骨作餐前小食，但已經放涼同較油。今日我地揀左： 香酥鴨半隻鴨被切得大小不一，而上碟時既感覺好混亂，好似餸頭餸尾咁。鴨咬落好乾身，需要加泰式醬汁先令到佢容易入口。同同事三個人食左三分之一已經放棄左。 榨菜牛肉餅見到相片覺得好吸引，但一咬既時候已經覺得唔對路，外層好厚好硬，入面都有d肉汁但肉味不夠香濃惹味。 水煮牛肉賣相吸引，好多辣椒，但牛好軔又唔入味....食落唔夠麻香惹味...食食下煲入面有條頭髮，最後叫經理黎退左佢換左另一個鍋總括黎講，今次真係失望而回，可能我唔識得點菜，不過我應該唔會再黎。