熊貓烘焙

營業中

休息中

我一向鐘意蛋撻，尤其曲奇餅皮的，見上網有講呢間，所以專登去呢間bakery買個鮮奶撻，貪佢多餡，據說是6cm高，但好失望，個餡好鞋，一D都唔滑，同埋唔覺得有蛋香同奶香，個皮的確係薄，但返到屋企食的時候（買完50分鐘後），被水氣焗濕了，有點可惜。如沒有記錯，每個蛋撻$16蚊，價值唔平，加上最敗筆係個蛋漿餡真係鞋，滿心歡喜去買但質素令人失望，所以不會再回購了。不過服務態度好好，職員好有禮貌，有小店的人情味，店舖整清，不用排隊。但質素有待改善，希望店主加油。