茶里 (千色匯) (已結業)

呢日食完飯見到呢間野飲店未試過，裝修又唔錯，天氣咁熱，所以就入咗去買杯黎試啦～Menu 方面佢種類選擇都幾多，佢主打茶類飲品，由奶蓋茶到水果茶都有，天氣咁熱，所以就簡咗味道比較清新既水果茶啦。價錢方面咁大杯水果茶都係$22 係幾抵，不過店員唔係好熟手，所以要等一陣。終於試到杯水果茶啦，味道一飲落口橙汁味比較重，無咩茶既味，不過呢個都唔係最大問題。最大問題係因為佢入面既水果好多都係皮多肉少，所以放耐咗會有苦苦地既味。