鄰舍咖啡 (已結業)

作為街坊，好開心喺土瓜灣區有小清新咖啡室， LUNCH試一試，但失望1。點解要加一？坐到入嚟，叫野食用QR CODE落單，餐具、水都係自己拎，無問題。但唔明點解咁樣要收客人“加一”，請問“服務”係邊？憑咩收加一服務費2。午餐無餐飲跟午餐無跟野飲，亦無優惠價加配野飲3。叫咗個脆豬carbonara， 點知竟然係將3塊薄切午餐肉炸咗放喺意粉面， 已經打左個突，味道非常一般，啲蛋汁凝咗，乾身，唔值$1084。 黑松露薯條， 本身份量都唔係多，但畀嘅醬料非常少，唔夠點晒成盤薯條。薯條唔好食，炸完都好淋身。5。咖啡叫正常，但咖啡豆嘅味道唔出眾，土瓜灣同區幾間咖啡店嘅咖啡都比佢好 $42總括裝修係幾靚， 但嘢食、咖啡都非常一般，價錢同食物質素不成正比，午餐一個意粉加杯咖啡再加一要成$165，可一不可再。