南小館 (愉景新城) (已結業)

開左係愉景新城有一段時間，呢一晚終於黎到食不過都幾失望下，食物質素差之餘連服務都唔好，搵個人都難，應該都不會再黎食了。點了： 菜肉炒手，上海粗炒，蔥油餅，招牌炒飯，雞絲粉皮。菜肉炒手，味道沒有特別，又唔係特別吸引既味道不過呢個價錢呢個味道就唔值了，失望了。上海粗炒，呢個真心唔好味，呢碟唔算太油但粗炒口感幾差下，粗炒林得濟令到食落口覺得唔好味，幾失敗下既菜式。蔥油餅，普普通通吧，沒有特色同吸引既味道。招牌炒飯，如果係講到招牌應該會有吸引或者突出既賣點，不過沒有。味道係有好微既辣，炒飯唔算油，不過只係一碟普通炒飯，起碼無吸引我既地方。雞絲粉皮，醬多我覺得接受既但問題唔夠凍，一碟唔夠凍既粉皮就真係同個菜式名一樣。。。而且醬既味道覺得只係一般，可能覺得無花生味吧環境方面，呢度係幾好夠大，不過服務都唔好，難叫侍應係其一，其二係想叫加茶結果同我講茶煲緊，已經食得口乾又沒茶，感覺唔太好。總結食物質素唔掂了，搵人難。沒茶加原來煲緊，沒下次。