金加利冰室 (已結業)

真心想講早知去食麥當算數，不過自己本身口痕想試下，一入到已經覺得有啲中伏嘅味道，因為入到坐位就聽到隔離枱講話塊扒咬唔開嘅。。。不過我依然照叫左份6成嘅西冷牛扒加芝士汁，加埋紅湯，點知惡夢就開始喇。首先要講下個湯喝落完全唔夠熱，而且有點咸，雖然都算多料嘅。跟住主菜黎上枱喇一上枱嚇死我，塊扒上面啲汁邊度似芝士汁呀大佬，雖然我叫嘅餐唔算貴你都唔洗咁瓜。跟鋸塊扒嘅時候，我完全feel到咩叫像根，切唔開囉，仲有個汁同塊扒完全唔配搭囉，個職員係我叫野食，仲推薦我咁叫。。。不過我發現呢間餐廳有樣野可取嘅，就係份量夠，如果你唔介意味道而單純追求份量，呢間絕對係好選擇。