影片
更多
2021-08-28
77 瀏覽
朋友好難得出黎聚一聚食飯，以為間野真係好似介紹中舒服，甘chill，大家都打算開開心心食個飯啫，結果好失望。第一次寫食評，純粹想講番啲感受，因為未試啲餐廳係甘。見到呢間野啲食評唔錯甘，環境幾靚，就打算黎試下啦，book左星期五晚20:15，3位。8點已經黎到，門口既女侍應要我哋等一陣先有位，甘都正常既。一開始她比我哋既感覺和服務係十分好，驚我地等得耐，仲問要唔要蘋果汁飲住先，雖然我地冇要，但都覺得呢個舉動好貼心👍🏻。冇幾耐，佢就叫我地入去，一個男侍應招呼我地，入到去見到係一張角落既2人枱，隔離張5個人都迫迫地。我哋呆左一呆，係有少少愕然，但都係接受到既。就係呢個時候，個男侍應見到我哋愕然甘樣，于是佢好好態度甘樣主動同我地講，「安排緊另一個位置比你哋！等等！坐住先啦！」。見佢細心到注意到我地有啲不滿，就係佢講呢句，令到我哋開始期待，同埋覺得呢個員工真係好好👍🏻，因為當時都見到仲有啲空位，諗住佢真係可能會比其他位我地啦，甘咪聽佢講照坐住先囉。因為有啲餐廳都會一路坐一路安排比啲客去坐另一個位，甘咪信左佢。但結果我哋所期待的，好快落空，成個場好快FULL晒，都知唔對路！我哋不時望住佢，結果佢都
第一次寫食評，純粹想講番啲感受，因為未試啲餐廳係甘。
見到呢間野啲食評唔錯甘，環境幾靚，就打算黎試下啦，book左星期五晚20:15，3位。
8點已經黎到，門口既女侍應要我哋等一陣先有位，甘都正常既。
一開始她比我哋既感覺和服務係十分好，驚我地等得耐，仲問要唔要蘋果汁飲住先，雖然我地冇要，但都覺得呢個舉動好貼心👍🏻。冇幾耐，佢就叫我地入去，一個男侍應招呼我地，入到去見到係一張角落既2人枱，隔離張5個人都迫迫地。我哋呆左一呆，係有少少愕然，但都係接受到既。就係呢個時候，個男侍應見到我哋愕然甘樣，于是佢好好態度甘樣主動同我地講，「安排緊另一個位置比你哋！等等！坐住先啦！」。見佢細心到注意到我地有啲不滿，就係佢講呢句，令到我哋開始期待，同埋覺得呢個員工真係好好👍🏻，因為當時都見到仲有啲空位，諗住佢真係可能會比其他位我地啦，甘咪聽佢講照坐住先囉。因為有啲餐廳都會一路坐一路安排比啲客去坐另一個位，甘咪信左佢。
但結果我哋所期待的，好快落空，成個場好快FULL晒，都知唔對路！我哋不時望住佢，結果佢都係講果句啦！當咩事都冇發生甘。如果真係比唔到位，至少都同我哋講句「唔好意思」都冇甘嬲，但係佢講左句假希望比我哋，令都我地係盲等同期望，到底有冇諗過對啲客負責任架？講完就算架啦？一開始真係覺得啲員工好好，但係甘樣比個反差我哋，仲令我地更加不滿，仲要冇交代。如果係甘樣就唔好輕易比承諾啲客啦，你帶完位之前後可以走去招呼其他客人，我地唔滿意個位，坐唔坐都係我地決定，但唔係甘樣比啲錯覺令到我地坐低。
心情真係勁差囉！感覺走又唔係，唔走又唔係甘！呢種感覺真係好難受囉！😫最尾決定黎都黎左，甘咪繼續死死氣坐落去囉。😒
到落單，又另一個男侍應黎幫我地，當時忍唔住向佢提出質問，佢好有禮貌答我哋，最後佢問我哋係唔係需要叫經理？我心諗都已經冇位，叫佢黎又可以點，唉！不過見到呢條友都甘有禮貌，咪算囉，就無謂生事，打算食完快啲走。
叫左杯Vortex同White Dwarf；仲有3樣野食 Crab Cake，Scallops，Crabmeat，and Zucchini Spaghetti 同 Pan-fried Salmon。不過，都要講番啲野食，始終係食評，差就唔差，不過被人搞到咩心情都冇，食龍肉都冇味，食得都唔開心⋯⋯
white dwarf
$78
3 瀏覽
0 讚好
0 留言
vortex
$78
6 瀏覽
0 讚好
0 留言
scallops, crabmeat and zucchini spaghetti
$148
4 瀏覽
0 讚好
0 留言
crab cake
$72
3 瀏覽
0 讚好
0 留言
pan-fried salmon
$168
4 瀏覽
0 讚好
0 留言
講真，3個人用張2人枱，啲野食落到嚟，預左係迫架，成個用餐過程係要同間餐廳互相配合，但搞成到甘，真係唔多想配合佢！過程完全冇介紹中的chill感，壓迫感就有！用餐過程去到埋單，都有不少小插曲，個啲都係司空見慣既小問題，都唔多講啦。我唔係未試過係其他餐廳，3個人坐2人枱，都係呢啲圓枱仔，但係至少我有個選擇權，我唔會介意等下張枱，但唔係甘樣抱住個假希望去入座！
全程最唔滿意就係個句，「安排緊另一個位置比你哋！等等！坐住先啦！」。因為係個員工主動同我地提出，我地冇諗過根本就係假意囉！我地真係一啲都chill唔起，直頭on fire🔥。真係寧願你冇講仲好，或者可以講句「唔好意思」都冇甘嬲同受落啲，但係成程個位員工都冇甘做過，講完個句就由得我地度盲等，係度盲估，毫無責任心。
就算其他地方做得幾好，單呢樣就已經扣晒分！完全失信，都做唔到，就不好主動同我地甘講，好失望！
整體來講：
食物：一般（已經冇心情去品味）
環境：裝修都算靚既，不過當晚人多，感覺比預期中細，沒有佢介紹得甘chill
服務：員工大部分都有禮貌，但最大問題係員工唔應該咁同客作出左承諾之後，做唔到又冇左交代！
埋單$600蚊，甘既體驗，唔想再黎。
張貼
