錦鯉壽司 (已結業)

有外國同事食完dinner話好食, 我地經過幾次一直都食唔到, 今日終於去試下之前見到佢張poster話12:45pm前離座就有7折, 所以一行4人book左11:45am就黎食!見到個menu都ok多lunch set, 有同事揀左魚生海膽飯, 有同事揀左蝦天婦羅烏冬, 我就叫左彩虹魚生飯上菜都有少少耐, 因為我地去個陣都無嘜客人, 但都等左差唔多10-15分鐘先黎...魚生海膽飯先到~賣相好似都ok, 但食落去, 同事話魚生太薄, 海膽無味, d飯竟然係硬既!! 蝦天婦羅烏冬再黎~反而呢個係最ok既, 蝦天婦羅炸得唔錯, 烏冬係好味幾彈牙的, 附埋好特別既魚生粒沙律彩虹魚生飯黎埋~其實就係雜錦切粒魚生飯, 賣相唔差, 可惜魚生款唔多, 得2-3樣, 其他都係蛋 & 青瓜, 而且都真係唔太有味難得地係加左唔少蟹籽 & 三文魚籽, 總算感覺好dd...可惜, d飯真係硬架囉!!! 我地研究過, 有可能係佢成碗連飯放入雪櫃! 因為真係凍到硬晒!! 附送既蛋同事話唔得, 我就覺得都ok啦, 唔算好好又唔算好差囉, 前菜係油漬茄子, 不過不失...但如果主菜搞成咁, 7折之後其實都唔係平到